القصة بدأت بتويتة من مؤلف بيقول فيها لازم نبدأ مناقشة عن ايموجي البرجر بتاع جوجل.
لأن جوجل عاملة الجبنة تحت البرجر في حين ان أبل عاملة الجبنة فوق البرجر.
رغم أن ايموجي أبل يبان منطقي أكتر حاطين الخس تحت ثم البرجر ثم جبنة سايحة على البرجر. و ايموجي جوجل مش منطقي اوي و بيخالف قوانين المطبخ والمنطق والفيزياء. بس الناس أختلفوا على الطريقة الصح اللي مفروض البرجر يتعمل بيها.
طبعا الموضوع لحد هنا تافه جدا لحد ما حصلت المفاجأة.
ساندر بيتشاي المدير التنفيذي لجوجل نزل توية بيقول فيها ان هما هيسيبوا كل الل وراهم ويوم الاتنين الجاي هيشوفوا موضوع ايموجي البرجر. ده طبعا في حالة لو الناس اتفقوا على الطريقة الصح لعمل البرجر.
وهنا بقى يبقى لازم نشوف الشركات التانية عاملة ايه علشان نعرف مين الصح و بجولة سريعة في Emojipedia هنكتشف أن ده ايموجي سامسونج
طبعا أقرب لأيموجي أبل المنطقي و لو شوفنا مايكروسوفت كمان هنلاقي نفس الكلام.
طبعا من المستحيل أن الأنترنت يتفق على حاجة وده هيخلي الوضع على ما هو عليه. وواضح كده أن الموضوع كبر والناس هتبدأ تراجع كل ايموجيز جوجل...